《上海之夜》之外，另一部由徐克監製、陳木勝導演的《新仙鶴神針》鄙人亦很感恩在昨日買到。
90年代初，一部《東方不敗》，令整個香港影壇掀起重拍武俠經典風氣。1992年至1994年，有《新碧血劍》、《絕代雙驕》、《火雲傳奇》、《俠女傳奇》，數目之多令觀眾無所適從。
相比成績突出、又同樣改編舊片的《新龍門客棧》，本片的確失色很多，而梅艷芳在片中的仙鶴道具，當年亦被評『假到離譜』。但在90年代初，凡有徐克編劇、監製的電影，娛樂性一定不俗，而武打場面也有一定可觀程度，而眾演員亦演得相當稱職，是部值得一看的武俠片。而梅艷芳與張學友主唱的主題曲亦很有氣勢！
昨日在百老匯電影中心看了翁子光導演的《明媚時光》，全片藝術成份相當濃厚，但最出色是角色人物，當中以梁榮忠演的藏sir及太保演的陳健康父親最令我有深刻印象。
其後，小弟又繼續去了旺角信和中心搜集二手DVD，過了一年多，終於再有意外收穫！ 日版西片，竟找到馬田史高西斯(Martin Scorsese)、羅拔迪尼路(Robert De Niro)這對『最佳拍檔』的《喜劇之王》(The King of Comedy)，昨日在家裡看了預告片及頭十分鐘，是部相當厲害的經典電影。
近排去旺角，好似去日本那麼興奮，因在信和中心找到了一批便宜到笑的日本版DVD充斥市場，不論荷里活西片，現在連香港經典舊片也有。
當香港DVD發行商樂貿"打退堂鼓"， 減少數碼修復香港的經典舊片DVD之時，到處搜索日本或外國版的數碼修復之經典港片DVD，又成為小弟近日的任務之一。最高興的是，找到了許冠文的《歡樂叮噹》、《合家歡》、《新半斤八兩》的日本版DVD，先來介紹一下《歡樂叮噹》的日本版DVD!
自從有了無線經典台，久而久之已經錄了無數經典的八、九十年代的經典香港劇集，但無比貪心又大花筒的我，竟在去年10月左右開始買回一堆TVB的經典劇集DVD來。有三大藉口支持此舉: A是我買的劇集是小弟十分想看但無線經典台未播(但遲早一定會播) ; B是因工作其實太忙，真是沒時間在家錄心愛的舊劇，買DVD就可以省回很多錄的時間，甚至免卻錄少了其中一集的麻煩; C就是本人的公司因優惠員工，竟將劇集DVD減至七折至半價，令我買到不能自控! 好，就在這裡介紹一下我用千幾元換回來的部分童年回憶!
早兩個月睇左"暗花"先知原來咁好睇，回港想補買既時侯，點知呢兩隻早2年周街都有既寰宇版"暗花"同"真心英雄"DVD，竟然兩部都絕左版!
最心痛係"真心英雄"DVD，早兩個星期仲係某尖沙咀影碟店見到，點知遲左兩星期，"真心英雄"DVD已經一掃而空!雖然"暗花"已經有法版DVD，但係要成幾百大元就真係買唔起，唯有儲住隻VCD版先啦!
月剛過去左一個禮拜多少少,小弟搵唔到工之餘繼續大買DVD.自從寰宇版"暗花"及"真心英雄"DVD消失於影碟市場後,本人除了感到無奈亦開始"亡羊補牢",即是如果發現有罕見的DVD出現,必立即購入以免絕版事件發生!
另一方面,我亦正進行緊一個VCD轉DVD既超級戅居大作戰,可惜在這段"坐食山崩"的日子中,此行動決定暫時擱置!
1/9/2006
五虎將之決裂(DVD)$29
藝能出品既舊片,鉅星突然又再版推出DVD,好似"天若有情II天長地久","驚天12小時"等等!先買左呢部未正式睇過既"五虎將之決裂"來試一試,畫質不俗仲只係賣30蚊左右,又有預告片又有日文字幕,真係唔錯!
福星闖江湖(DVD)$29
去尖沙咀行街,以前出過既鉅星版DVD又無端端跌價至29大元!買左呢部唔係嘉禾出品,又無洪金寶既"福星"外傳"福星闖江湖",仍然好笑!
家法(VCD)$19
知法犯法(VCD)$13
鄧光榮70至80年代既黑幫仇殺片失驚無神再度出爐,仲有相當出名既"家法"!畫質同上次"無毒不丈夫"同"隻手遮天"個批一樣差到出奇,不過有得睇好過無得睇!
神經刀與飛天貓(DVD)$20
VCD轉DVD大行動既另外一部!雖然美亞出版既DVD畫質一向唔多好,仲無原裝預告片,不過畫質都好過VCD,最主要係可以Remove字幕!5/9/2006
愛的逃兵(DVD)$30
校長80年代其中一部經典浪漫愛情喜劇,仲係馮淬帆自編自導自演!係Yahoo拍賣場買,以為30蚊好平,點知得標後先知尖沙咀都係賣29大元,仲蝕一蚊雞!
花心大少(DVD)$49
雖然笑料方面,"花心大少"不及王晶之後既"青蛙王子"同"我愛羅蘭度",不過為左集齊紅姑既戲,見佢四十幾蚊又買左,都幾奢侈,唉!
初戀0拿0查麵(DVD)$20
去上水探我"女麻""女麻",竟然俾我係名都廣場搵番呢隻中環尖沙咀都無既"初戀0拿0查麵"DVD,真係感謝神!雖然個劇本唔夠個廣播劇過癮,不過係阿芝既作品必定要買隻收藏,仲可以睇番"可愛教主"楊丞琳未紅之前既樣!
6/9/2006
童黨(VCD)$13
剛剛係當日睇左劉國昌新作"我要成名",就走左去買番佢呢隻處男作"童黨"!呢一批銀都既美亞VCD又係唔知會唔會好似之前"父子情","邊緣人"咁絕版,所以都係快快手買埋佢!
雀聖2自摸天后(DVD)$19
買呢隻只係為左睇應采兒,李籠怡等一眾靚女,加上個人覺得呢部片既笑料都算過得去,所以見佢跌價至19大元就即刻買左.
記得..香蕉成熟時(DVD)$45
呢部經典除左HMV之外,好似再無係第2間鋪頭睇過!唔知係咪網上開始有人知道呢隻較為罕有,係中環同銅鑼灣既HMV都相繼賣晒!好彩最後係尖沙咀HMV買到,唔係又無既啦!另一隻"正牌韋小寶之奉旨溝女"好似都唔係好多存貨!
