經典搞笑-笑Joke1800秒

搞笑節目好多人會記得無線出產過的"笑星救地球"、"點解咁好笑"等等經典,其實亞視亦在90年代出產過不同的經典搞笑節目.當中有吳耀漢主持的"吳耀漢搞搞震",曾志偉+林敏聰的"開心主流派",盧海鵬+林建明亦主持過一個搞笑節目"開心繼續笑",當中還有一個不太出名更卻搞笑非常的節目叫"笑Joke1800秒"!

一起租帶的日子

現在VCD及DVD盛行盛市,但在80年代未至90年代中,如果有那一部賣座猛片當年沒有在戲院觀賞的話,必然想到的是去當年的快圖美或者金獅租錄影帶與影碟回家補看,一說已經是18年前的事!

在德國的時候,因為爸爸也是電視迷的關係加上有很多華人光顧我們的餐館,故我爸爸靈機一觸兼任出租錄影帶服務.就是這樣,我便被我爸養成了喜愛香港劇集及電影的習慣.但當時我還是看無線的劇集及節目居多,如＜大運河＞、＜新紮師兄1988＞、＜季節＞及台慶、＜十大勁歌金曲＞等,反而香港電影錄影帶的較少,印象較深刻只有《魔翡翠》、《最佳拍檔千里救差婆》、《八喜臨門》及《殺妻2人組》等片.

9月初之無意識大花筒

早兩個月睇左"暗花"先知原來咁好睇，回港想補買既時侯，點知呢兩隻早2年周街都有既寰宇版"暗花"同"真心英雄"DVD，竟然兩部都絕左版!
最心痛係"真心英雄"DVD，早兩個星期仲係某尖沙咀影碟店見到，點知遲左兩星期，"真心英雄"DVD已經一掃而空!雖然"暗花"已經有法版DVD，但係要成幾百大元就真係買唔起，唯有儲住隻VCD版先啦!


月剛過去左一個禮拜多少少,小弟搵唔到工之餘繼續大買DVD.自從寰宇版"暗花"及"真心英雄"DVD消失於影碟市場後,本人除了感到無奈亦開始"亡羊補牢",即是如果發現有罕見的DVD出現,必立即購入以免絕版事件發生!
另一方面,我亦正進行緊一個VCD轉DVD既超級戅居大作戰,可惜在這段"坐食山崩"的日子中,此行動決定暫時擱置!
1/9/2006
五虎將之決裂(DVD)$29藝能出品既舊片,鉅星突然又再版推出DVD,好似"天若有情II天長地久","驚天12小時"等等!先買左呢部未正式睇過既"五虎將之決裂"來試一試,畫質不俗仲只係賣30蚊左右,又有預告片又有日文字幕,真係唔錯!
福星闖江湖(DVD)$29去尖沙咀行街,以前出過既鉅星版DVD又無端端跌價至29大元!買左呢部唔係嘉禾出品,又無洪金寶既"福星"外傳"福星闖江湖",仍然好笑!

家法(VCD)$19
知法犯法(VCD)$13鄧光榮70至80年代既黑幫仇殺片失驚無神再度出爐,仲有相當出名既"家法"!畫質同上次"無毒不丈夫"同"隻手遮天"個批一樣差到出奇,不過有得睇好過無得睇!
神經刀與飛天貓(DVD)$20VCD轉DVD大行動既另外一部!雖然美亞出版既DVD畫質一向唔多好,仲無原裝預告片,不過畫質都好過VCD,最主要係可以Remove字幕!5/9/2006
愛的逃兵(DVD)$30校長80年代其中一部經典浪漫愛情喜劇,仲係馮淬帆自編自導自演!係Yahoo拍賣場買,以為30蚊好平,點知得標後先知尖沙咀都係賣29大元,仲蝕一蚊雞!

花心大少(DVD)$49
雖然笑料方面,"花心大少"不及王晶之後既"青蛙王子"同"我愛羅蘭度",不過為左集齊紅姑既戲,見佢四十幾蚊又買左,都幾奢侈,唉!
初戀0拿0查麵(DVD)$20去上水探我"女麻""女麻",竟然俾我係名都廣場搵番呢隻中環尖沙咀都無既"初戀0拿0查麵"DVD,真係感謝神!雖然個劇本唔夠個廣播劇過癮,不過係阿芝既作品必定要買隻收藏,仲可以睇番"可愛教主"楊丞琳未紅之前既樣!
6/9/2006
童黨(VCD)$13
剛剛係當日睇左劉國昌新作"我要成名",就走左去買番佢呢隻處男作"童黨"!呢一批銀都既美亞VCD又係唔知會唔會好似之前"父子情","邊緣人"咁絕版,所以都係快快手買埋佢!
雀聖2自摸天后(DVD)$19
買呢隻只係為左睇應采兒,李籠怡等一眾靚女,加上個人覺得呢部片既笑料都算過得去,所以見佢跌價至19大元就即刻買左.
記得..香蕉成熟時(DVD)$45
呢部經典除左HMV之外,好似再無係第2間鋪頭睇過!唔知係咪網上開始有人知道呢隻較為罕有,係中環同銅鑼灣既HMV都相繼賣晒!好彩最後係尖沙咀HMV買到,唔係又無既啦!另一隻"正牌韋小寶之奉旨溝女"好似都唔係好多存貨!